Xəbərlər

ADU-nun mini-futbol komandası turnirin qalibi olub

ADU İdman Klubu və ADU THİK İdman Klubunun üzvlərinin iştirakı ilə təşkil olunan mini-futbol komandası Ulu Öndər Heydər Əliyevin anadan olmasının 103-cü ildönümünə həsr olunmuş turnirin qalibi olub.

Komandanın yarışda iştirakı ADU THİK-in maliyyə dəstəyi ilə təmin edilib. Dəstək çərçivəsində iştirakçılar formalarla təmin olunub, həmçinin medal və sertifikatlarla təltif ediliblər.

ADU tələbələri AHİK-in təqaüd proqramında uğur qazanıblar

Azərbaycan Həmkarlar İttifaqları Konfederasiyasının (AHİK) üzv təşkilatı olan Elm və Təhsil İşçiləri Həmkarlar İttifaqı Respublika Komitəsi (ETİHİ RK) tərəfindən 250 tələbəyə “Həmkarlar ittifaqı təqaüdü” təqdim edilib.

Qürurverici haldır ki, Azərbaycan Dillər Universiteti Tələbə Həmkarlar İttifaqı Komitəsinin (ADU THİK) 8 fəal tələbəsi də bu təqaüdə layiq görülüb.

Təqaüd qazanan bütün tələbələri təbrik edir, onlara gələcək fəaliyyətlərində uğurlar arzulayırıq!

ADU-da 28 Mayla bağlı elmi seminar keçirildi

Azərbaycan Dillər Universiteti və Qafqaz Müsəlmanları İdarəsi nəzdində fəaliyyət göstərən “Tolerantlıq Evi”nin birgə təşkilatçılığı ilə 28 May – Müstəqillik Gününə həsr olunmuş elmi seminar keçirilmişdir.

Seminarda Beynəlxalq Münasibətlər və Regionşünaslıq fakültəsi nəzdində fəaliyyət göstərən Fəlsəfə və İctimai Elmlər kafedrasının laborantı Ləman Həziyeva çıxış edərək “Şərqin ilk demokratik respublikası və tolerantlıq dəyərləri” mövzusu haqqında iştirakçılara ətraflı məlumat vermişdir.

Tədbirdə həmçinin Fəlsəfə və İctimai Elmlər kafedrasının müəllimələri və Azərbaycan Dillər Universiteti Tələbə Həmkarlar İttifaqı Komitəsinin tələbələri iştirak etmişdir.

Seminar çərçivəsində tələbələr mövzu ilə bağlı geniş məlumat əldə etmiş, tolerantlıq və demokratik dəyərlərin əhəmiyyəti barədə maarifləndirilmişdir.

ADU Readers Klubu Türk Dünyası Kitab Festivalında iştirak edib

25 may ADU THİK nəznində fəaliyət göstərən Readers klubunun idarə heyəti və aktiv tələbələri 6-cı Türk Dünyası Ədəbiyyat və kitab festivalında aktiv şəkildə iştirak etmişdir. Onlar yazar və şairlərlə görüşüb kitablarla maraqlanımışdılar.

ADU-da "Ana dilimizin zənginliyi" mövzusunda intellektual oyun baş tutdu

Ana dilimizin zənginliyini və gözəlliyini bir daha hiss etdiyimiz möhtəşəm intellektual oyun baş tutdu.

Ana dilinə həsr olunmuş intellektual oyunumuz yadda qalan anlar, maraqlı mübarizə və yüksək enerji ilə baş tutdu. Bilik, komanda ruhu və maraqlı mübarizə ilə yadda qalan tədbirimizin sonunda qaliblərimiz mükafatlandırıldı.

İştirak edən hər kəsə təşəkkür edir, qaliblərimizi təbrik edirik! 

“Heydər Əliyev: Multikulturalizm və tolerantlıq ideologiyası” IX Beynəlxalq elmi konfrans keçirilib

Mayın 5-də Azərbaycan Dillər Universitetində (ADU) Ümummilli Lider Heydər Əliyevin anadan olmasının 103-cü ildönümünə həsr olunmuş “Heydər Əliyev: Multikulturalizm və tolerantlıq ideologiyası” IX Beynəlxalq elmi konfrans keçirilib. 

Konfransın açılışından əvvəl Azərbaycan Dillər Universitetinin kollektivi Fəxri xiyabanda xalqımızın ümummilli lideri, müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad edib, məzarı önünə gül dəstələri qoyub.

ADU tələbələri bədii yaradıcılıq müsabiqə-festivalının yekun konsertində iştirak ediblər

Azərbaycan Dillər Universitetinin (ADU) tələbələri mayın 8-də Heydər Əliyev Sarayında keçirilən, Azərbaycan Respublikasının Elm və Təhsil Nazirliyi və Elm və Təhsil İşçiləri Həmkarlar İttifaqı Respublika Komitəsinin birgə təşkilatçılığı ilə Ümummilli Lider Heydər Əliyevin anadan olmasının 103-cü ildönümünə həsr olunmuş ali təhsil müəssisələrinin tələbələri arasında bədii yaradıcılıq müsabiqə-festivalının yekun konsertində iştirak ediblər.

Tədbirdə dövlət rəsmiləri, ali təhsil müəssisələrinin rəhbərləri, Milli Məclisin deputatları, tanınmış mədəniyyət və incəsənət xadimləri, KİV nümayəndələri, müəllimlər və tələbələr iştirak ediblər.

Konsert proqramında tələbələrin ifasında Ulu Öndərə həsr olunmuş mahnılar səsləndirilib, şeirlər bədii qiraət olunub, müxtəlif rəqs kompozisiyaları təqdim edilib.

Qeyd olunub ki, müsabiqə-festival üç mərhələdən ibarət olub. Birinci mərhələdə respublikada fəaliyyət göstərən 26 ali təhsil müəssisəsində yaradılmış münsiflər heyətlərinin iştirakı ilə seçim turları keçirilib. Bu mərhələdə 2 minə yaxın tələbə iştirak edib, onların arasından seçilən 576 nəfər növbəti mərhələyə vəsiqə qazanıb.

İkinci mərhələdə seçimlər peşəkar münsiflər heyəti tərəfindən aparılıb. Münsiflərin qiymətləndirməsi əsasında final mərhələsinə vəsiqə qazanan iştirakçılar yekun konsertdə çıxış edərək bacarıqlarını nümayiş etdiriblər. Final iştirakçılarının çıxışları Xalq artistləri Gülyanaq Məmmədova, Samir Cəfərov, Təranə Muradova, Əməkdar incəsənət xadimləri Baba Vəziroğlu və Hafiz Quliyev, Əməkdar artist Rəşad Həşimov və ustad tarzən Arslan Növrəslinin də yer aldığı nüfuzlu münsiflər heyəti tərəfindən qiymətləndirilib.

Festivalın əsas məqsədinin gənclər arasında bədii yaradıcılığa marağın artırılması, onların mədəni potensialının inkişaf etdirilməsi, asudə vaxtlarının səmərəli təşkilinə dəstək göstərilməsi, eləcə də Ulu Öndər Heydər Əliyevin mədəniyyət və incəsənət sahəsindəki zəngin irsinin təbliği olduğu bildirilib.

Müsabiqə-festivalın qalibləri yekun konsertin nəticələrinə əsasən müəyyənləşdirilib və qaliblər fəxri fərmanlar və hədiyyələrlə mükafatlandırılıblar.

ADU-da “Şəhərlər insanı formalaşdırır, yoxsa insanlar şəhəri?” mövzusunda görüş keçirildi

ADU-da “Şəhərlər insanı formalaşdırır, yoxsa insanlar şəhəri?” mövzusunda keçirilən görüşümüz uğurla baş tutdu. 

Təlimçi Aytac Hüseynli ilə birlikdə şəhər və insan münasibətlərinə fərqli perspektivdən yanaşdıq, maraqlı müzakirələr və dəyərli fikirlər paylaşdıq.

Şəhərlərin insan həyatına təsiri, insanların isə yaşadıqları məkanı necə dəyişdirməsi barədə məhsuldar fikir mübadiləsi aparıldı.

ADU Azərbaycanın ən geniş miqyaslı xaricdə təhsil sərgisində iştirak etdi

ADU 19 aprel tarixində keçirilən Azərbaycanın ən geniş miqyaslı xaricdə təhsil sərgisində fəal şəkildə iştirak edib.  

Sərgidə tələbələrə xaricdə təhsil imkanları haqqında ətraflı məlumat verilib.

Qəbul prosesi, ixtisas seçimi və təqaüd şansları ilə bağlı suallar cavablandırılıb.

Gənclərlə birbaşa ünsiyyət qurularaq onların gələcək planlarına dəstək olunub.

ADU-da “Qarabağ Memarlığının Təhlili” mövzusunda maarifləndirici görüş uğurla baş tutdu

ADU-da “Qarabağ Memarlığının Təhlili” mövzusunda maarifləndirici görüş uğurla baş tutdu!

Bu görüşdə iştirakçılar Qarabağ bölgəsinin zəngin memarlıq xüsusiyyətlərini daha yaxından tanıdı, tarixi və müasir yanaşmaların müqayisəsini öyrəndi və sahəyə fərqli baxış bucaqları qazandı. 

Memarlıq irsimizi birlikdə araşdırmaq və tariximizə daha dərindən baxmaq bizim üçün çox dəyərli oldu.

ADU-da "Gender bərabərliyi" mövzusunda tədbir keçirildi

ADU-da "Gender bərabərliyi – sadəcə anlayış deyil, daha ədalətli cəmiyyətin təməlidir" adlı tədbir keçirilib.

“Gender bərabərliyi” mövzusunda təşkil etdiyimiz seminar çərçivəsində gender bərabərliyi mövzusuna psixoloq Sevinc Osmanova ilə fərqli prizmalardan yanaşdıq, problemləri müzakirə etdik və həll yollarını birlikdə düşündük.

ADU-da süni intellekt mövzusunda seminar keçirildi

ADU-da “AI Academy” layihəsi çərçivəsində təşkil olunan süni intellekt mövzusunda seminar uğurla baş tutdu.

İştirakçılar süni intellektin real həyatdakı tətbiqləri, gələcək perspektivləri və praktiki istifadəsi haqqında dəyərli məlumatlar əldə etdilər.

Maraqlı müzakirələr, interaktiv anlar və yeni biliklərlə dolu bu görüş iştirakçılar üçün unudulmaz təcrübəyə çevrildi.